2015/01/14

ژوندی خاطرې او تیریدونکي شیبې

 

عجیبه اوله له عجایبوډکه نړۍ ده له خپله کوره دخپلې کوچنی باغچې په لور روان وم دګړندیوموټرونوخورا سخته ګڼه ګوڼه وه دبریښنا ټرافیکي څراغونوته مې شیبې څارلي چې ګورم ترڅنګ مې دیوي ښایسته دنګې ونې خاوند زلمی چې په مخکې ېې سپی روان وزما پاملرنه ځانته جلب کړه هغه په دواړوسرګوړوند وخوخپلي سترګې ېې په خوراقیمتې عینکوپوښلي وي څراغونه شنه شول دخپل سپي په لارښونه چې خپله ورسره همسا ېې هم په احتیاط په لاس کې ښوروله دسړک بلې غاړې ته پوریوتوله لنډکې روغبړوروسته مې تري وپوښتل څومره خواخوږی اوګلالی سپی دی له هغه پرته ښاېې ګرځیدل درته  ستونزمن وي په مینه ناکه موسکا ېې راته وویل هوبې له شکه هغه مې ژوندی همسا ده همداشیبه خوراکې پلورنځۍ ته روان یوخوراکي توکي پیروهغه دژوند په ټولوچاروکې زما رښتینی اووفادارمرستندوی دی اودزړه له کومې ترې منندوی یم . دلنډې زړه خوالې وروسته مور خصت سره واخیست اوزه په لاره کې دخپلوخیالاتو په سمندر کې لاهوشوم چې سالمه ښوونه ،روزنه اوپالنه ان سپی لوړکمال اودانسان چوپړپوړي ته رارسوي اودهغه رښتیني خواخوږي اووفاداری لامل دی چې سپی به هم جنت ته ځي هغه سپی یادوم چې په نا پایه مینه ېې کلونه،کلونه داصحاب کف سره په غارکې تیرکړي و.ټول ټال لسوالوتونکواوڅارویو ته ېې شمیر رسییږي چې جنت المکان بلل شویدي لامل ېې نوروهمنوعوته خدمت اوګټه رسول دي ځکه لوی نیاومن ذات فرمایلي چې ترټولوغوره انسان هغه دی چې نوروانسانانوته ېې ګټه رسیږي..

اوجوته ده چې ترټولوناوړه اوناولی انسان هغه دی چې نوروته ېې تاوان اوشرورسیږي

د.بشرپالنې په لوړاحساس اودانساني کرامت په روحیه وحشي ژوي لکه په پورتنی بیلګه کې سپي هم دانسانانودخدمت په موخه روزل کیږي خوله بده مرغه پنجاپي تورلنګې اوتورزړي مولایان اودپاکستان انسان دوښمنه څارګرپه لوی لاس تش په نوم دیني مدرسو کې تنکیوماشومانوته دانسان وژني اودمسلمانانودقتل عام روزنه ورکوي اودمعصوموهلکانواونجونوڅخه داړونکي ژوي جوړوي چې دپکتیکا دوروستي خونړي جنایت په څیرېې په ټول هیوادکې سترې غمیزي رامنځته کړي دي داصحاب کف سپی جنتي خودپنجاپي روزل شوی انسان وژنکی دوزخي دي.

په همدی چورتونوکې خپلي باغچې ته ورسیدم خوخپل غمیدلي اوپه مودو،مودوسخت زوریدلي افغان ولس جګړه ییزناورین ته دخیالونواوغمجنواندیښنو په ټالونوځنګیدم اودزړه د ډاډینی لپاره دخپلوبیلابیلوګلانوپه اوبولواوتماشاکولوبوخت شوم اودکډوالی د دوران ترخې شیبې مې درنګینواوښکلوګلانوپه پلمه غلطولي چې ناببره مې دیوه ګڼ غوړیدلي ښایسته ګلاب دټوکیدلوګلانو پرمخ یوسترجال جلب کړه خدایږوهیښوونکی اوویروونکی جال ووپه زیات شمیرکوچني ژوي اوپه لسګونودشاتو موچۍ په کی ښکیل وي زه به کله ناکله خوشاله وم دشاتودموچیواوښایسته ملخیو په لیدوبه هسې مې انګیرله چې پخپل وطن کې یم اوبیا به مې په زړه کې وګرځیدل چې داهم یوثوابي کاردی چې غالبوزي زما په لاس دروزل شویوګلانوله شیري څخه ګبینه جوړوي .جال نه وسم سمکی دبګرام اوګواتیناموزندان وکله مې چې دشاتوموچۍ په ځیروکتلې زیاتره ېې وچې کلکې وي و ینه تري زبیښل شوي اوځیني نیم ژواندې وي په سخته غوسه مې جال څیري کړاودجال په بل سرکې په ډیرغضب اوویروونکي بڼه یوه غټه غڼي لکه سمندري اخته پوت غوسه ناکه راپیدا اویرغلي تکل ېې درلود هغې دبې شمیره کوچنیوژویواودشاتودغالبوزودوینوپه زبیښلوورځیني ښکیلاکګرپړسیدلی ځناور جوړشوی اوزما دګلالي وطن دبې ګناه ولس دخونړي قاتل په بڼه ښکاریده بې له ډیله مې بیلچي ته لاس کړاوپه خاوروکې مې ښه ژورځای وکینده اوپه هماغه بیلچه مې غڼې په خاوروکې دفن کړه اودحشراتواومړوموچیوډک جال مې پروغوړاوه او خپل ټپي احساس مي یو څه ټکور کړ. .

ماته د دغې ببرې بدشکله غڼي په څیردګران افغانستان دتورمخودوښمنانواوزموږدبې وزله افغان ولس دوینوزبیښونکوپړسیدلي څیرې سترګوته ودریدي چې په څومره سپین سترګی،وحشت اوبربریت ېې کلونه،کلونه افغان غیورملت دستروناورینونواوزړه بوږنوونکوناخوالوسره مخا مخ کړی اودخپلوځانګړوفرعوني موخولپاره ېې دازوریدلي ولسونه یرغمل نیولي اوبې وسه کړیدي خوله نیکه مرغه ملتونه نه مري اودزمانې په یون کې به داستکبارمکرجنې خونړی ککرۍ دخپلو شومو اعمالودروند ټس وخوري.

هیله ده چې په هیوادکې وروستي اوښتونه اوبدلونونه به دافغان ملت سترې غمیزي اوخونړي حمام ته دپای ټکی کیږدي.اودزوراوزرلیوني به نورپه دې زوریدلي اوپه ټوله نړۍ کې بې ساري کړیدلي ولس ورحمیږي.

بسم الله اکبري هالینډ      

۱۳.۱.۲۰۱۵

 

  

 

 

1 - حی علی الفلاح افغانانو!  

2 - افغان ملت د ستری تاریخی ازموینی په درشل کې

3- خوست د غیرت او میړانې اتله مورچه

4 - کله نا کله خوب لیدل هم رښتیاني وي!! 

5 - لښکر لښکر ګیلې

6 -  عبدالله عبدالله دی سر په خلاص کړي

7 - عادل زعامت او نیکمرغه ټولنه

8 - سپیلني لوګې کړه!

9 - د پښتنو په درنو ککریو د ډالرو سوداګري

10 - ملي پیوستون ساهو ژوندون

11 -په درنو دروند په سپکو سپک 

12 -  په درنو دروند په سپکو سپک

13 -یو ارګ او دوه پاچاهان

14 - ژوندی خاطرې او تیریدونکي شیبې 

 
 

admin@vatandar.at

 
 مدیر مسوول : انجنیر هما یوسفی
صاحب امتیاز : انجنیرنجیب یوسفی
کليه ی حقوق بر اساس قوانين کپی رايت  محفوظ و متعلق به وطندار می باشد