2015/05/16

 

چیرته  ډب هلته ادب

دپروان ولایت مرکزاوکه پایتخت چاریکارکې د داکترعبدالله عبدالله دافغانستان داسلامي جمهوریت دجمهور ریس اودهغه دمرستیالانوپه نامه اوالقابودراځړیدلواوټومبلوانځورونوپه اړه مې داپوښتنه حل شوه چې په رښتیني توګه عبدالله ډبل عبدالله دی ځکه په کابل کې اجرایه ریس اوبیاپه پروان کې جمهور ریس دی نوپه ډبل ځواک کې یې څه شک نشته.

په دي اړوند د ډاکتراشرف غني پاملرنه دیوه کلیوال اوسیمه ییزسپین ږیري یوه په زړه پوري کیسي اودسترګولیدلي حال ته راګرځوم.

کلونه پخوا یوه تن قومي مخورکیسه کوله چې موږیوڅوتنه مشران اوسپین ږیري دخپل قومي جنرال دلیدلولپاره کابل ته راغلوپه پوښتنه اوپلټنه موځانونه دهغه دجنرالې مجلل اورسمي دفترته راورسول په دفترکې نظامي اوعسکري دسیپلین له ورایه ښکاریده دجنرال پوځي یاوراوورسره سرتیروزموږتود هرکلې وکړاوپه خانګړوتشریفاتودخپل جنرال صاحب حضورته ورغلود توده ستړي مه شي اومینه ناک روغبړ وروسته دهغه په دفترکې په ټاکلوچوکیو کیناستودوستانه مجلس اوبنډارګرم شو.دجنرال صاحب په کوچنی اشاره اوهدایت کې به دسترګوپه رپ کې کله چای اوورسره کیکونه ،کلچې کله  بادام،چارمغز،پستي اوکشمیش حاضراوپه میزو به راته ایښي وود ډوډۍ اوتازه میووله خوراک وروسته جنرال صاحب دخپلورسمي کارونوپه اجرا بوخت اودورځې په پای کې له هغه سره په عسکري جیپ موټرونوکې د ده کورته ولاړوپه سروماورغالیوپوښل شوي میلمستون کې مودنیلیواوتوشکوله پاسه نرموبالښتونواوسرویږدوته ډډې ولګولي.جنرال کورته ننووت اوخپله پوځي دريشي یې بدله کړه اوشیبه ورسته په ښایسته وریښمنه چپنه،قره قلي په سر وطني جامو کې راووت موږټول دهغه د درناوی په موخه له خپلو ځایوپورته شوواوجنرال صاحب پخپل ځای کې کیناست اوبیادکلي ،ولس اووطن په اړه مود دوستانه خبرواتروبنډارګرم شودمجلس په ترځ کې یوه سپین ږیري دڅښاک اوبه وغوښتې جنرال صاحب په زوره نارې کړې هلکانواوبه راوړی اوبه! .موږپه خبروبوخت ووچې داوبودرک نه لګیده.شیبه وروسته یوه بل سپین ږیري شین چای وغوښت.جنرال صاحب بیاپه پوځي لهجه غږکړهلکانوڅه شوی چای راوړی چای !.زموږخبري ښه په خوندا و رنګ روانې وې چې دچایو درک هم پسې ورک شو.یوه سپین ږیري جنرال صاحب ته په ډاګه وویل ترڅوچې داچپنه اوقره قلي ایسته نه کړې اوبیرته هغه خپله دجنرالۍ پوځي دریشي وانه غوندې دستا آمراوخبري ته څوک غوږنه ږدي نه به اوبه وګورې اونه چای،هله ژرکوه درېشي اغونده درېشي.

موږټول په خنداشوواودسرونودخوځولوپه تایید مووړاندیزپه ځای وباله .جنرال صاحب تبیت لږخټه شوخوویې ویل رښتیا ده چې زمانه ډیره سپین سترګي شویده اوپرځای ویلي دي چې..

تانباشدچوب تر         فرمان نبردګاووخر

خبره دسیمه ییزوزورواکانواولنډغرانوپه اړه رایاده شوه کوم چې په تیردیارلس کلن دور کې دکرزي صاحب ترچپنې لاندې لکه زهرجن مرخیړي راوټوکیدل دزراوزورخاوندان شول څه یې چې زړه غواړي هغه په نره ترسره کوي ځکه خو

دپخواني ولس مشرښاغلي کرزي صاحب مبارکه چپنه دنړیوالودنندارې اوعبرت لپاره دلندن موزیم ته ولیږدول شوه لیري نه ده چې قرقلي به یې دواشنګتن په یوه موزیم کې نندارې ته وړاندې شي اوپه زړه پوري داده چې ښاغلی کرزی دوسله وال پوځ داعلی سرقوماندان اودهغه مرستیال مارشال صاحب دخپلې واکمنی په دوره کې په پوځي دریشی کې راښکاره نه شول خدای خبرچې دمرحوم مارشال صاحب نصواري پاکول به دنړۍپه کوم موزیم کې ن ندارې ته  وړاندې کیږي؟..

ولس مشرداکترصاحب اشرف غني هم په تورلنګوټي اواوږدوتسپوسره دوسله وال پوځ داعلی سرقوماندان په توګه دمدرنې ټکنالوژی اوویدیوګانوپه مټ دهیواد دبیلابیلوولایتودپوځي اوامنیتي چارواکوسره سلامشورې کوي دهغه کلیوال سپین ږیري په څیر مې ورته وړاندیزدادی چې که غواړي امرونه دې پلي شي کله ناکله داعلی سرقوماندان دریشي هم ترغاړې کوه یوازې دتسپوپه اړولورا اړولوداوړۍ نه شړۍ کیږي

. ځکه هوښیارانوپرځای ویلي دي چې چیرته  ډب هلته ادب  .

دپروان غیورواووطنپالوخلکوپاملرنه دافغان ولس مشرداکتر اشرف غني اواجرایه ریس داکتر عبدالله عبدالله ګډسفرته راجلبول غواړم کوم چې تیره موده دواړودامریکا متحده ایالاتوته ترسره کړتاسوبه لیدلي وي چې دامریکا دسنا په مجلس کې داشرف غني وینا ته ۲۲ ځلې دنړیوال ځواکمن پارلمان اوسناغړي دتودوچکچکوپه بدرګه پورته شول اوداکترعبدالله عبدالله په همدغه غونډه کې دومره تراغیزلاندې راغلی چې هغه ۲۳ځلي په پښودریدلی اولاسونه یې په پرله پسې چکچکووپړسول.زه دپروان سیمه ییزوزورواکانوته د داسې زړورجمهور ریس اومرستیالوبړیڅومبارکي وایم اودشاعر په ژبه چې وایې:

منت ساختم رستم زمان               وګرنه یلی بودی اندرسیستان

دزوریدلي اوکړیدلي وطن درغیدوپه هیله.

بسم الله اکبري هالینډ

۱۵-۰۵-۲۰۱۵

 

 

1 - حی علی الفلاح افغانانو!  

2 - افغان ملت د ستری تاریخی ازموینی په درشل کې

3- خوست د غیرت او میړانې اتله مورچه

4 - کله نا کله خوب لیدل هم رښتیاني وي!! 

5 - لښکر لښکر ګیلې

6 -  عبدالله عبدالله دی سر په خلاص کړي

7 - عادل زعامت او نیکمرغه ټولنه

8 - سپیلني لوګې کړه!

9 - د پښتنو په درنو ککریو د ډالرو سوداګري

10 - ملي پیوستون ساهو ژوندون

11 -په درنو دروند په سپکو سپک 

12 -  په درنو دروند په سپکو سپک

13 -یو ارګ او دوه پاچاهان

14 - ژوندی خاطرې او تیریدونکي شیبې 

15 - افغانستان او د داعش توره بلا 

16 - ډراماتیکه مرګوني سزا

17 ـخیرن انسان او تور وجدان

18 -    په ناورین کې لاهو افغان غمګین ملت

19 - آللوللوزه دې جارشم ترلیموآللو!

20 - خوستوالوهوښیاراوبیداراوسی!

21 - په خونړۍ جغرافیه دتاریخ ماتم

22 - چیرته  ډب هلته ادب

 
 

admin@vatandar.at

 
 مدیر مسوول : انجنیر هما یوسفی
صاحب امتیاز : انجنیرنجیب یوسفی
کليه ی حقوق بر اساس قوانين کپی رايت  محفوظ و متعلق به وطندار می باشد