WELCOME

To Our Website

Lorem ipsum dolor sit amet, consectetur adipiscing elit. Sed non metus

گزیده های مقالات  عنایت الله پویان

 

  د پاکستاني طالبانو له خوا د ملاله                                            عنایت الله پویان

د هر قام او د هرې ټولنې وګړي د ځانګړو روحي تمایلاتو او دودونو او رواجونو د لرلو په بنیاد یو تر بله سره بیلیږي او پیژاندل کیږي ـ د پښتنو د قام بهادر، میړني وګړی هم د جهان د نورو وګړو په څیرځانګړي روحي تمایلات او خصوسیات لری چې له باباګانو او نیکونو څخه هغوی ته د میراث په توګه پاته دي او هغه پښتو ژبه اوپښتني دودونه دي چې پښتانه یې د پښتونواله په نامه پیژني ـ د پښتنو پښتونواله او غیرت او میړانه چاته اجازت نه ورکوي چې په تور سرو مورګانو او انجونو او تنکو ماشومانو دې که څه هم د هغوی په مخالفت کې هم وي وسلوال بریدونه ؤ شي ـ زه فکر کوم هغه غدار چې د ماشومې جلکۍ ملالۍ وینې ؤبیولې پښتون به نه وي او یا به يې د پښتنو تاریخ او پښتو او پښتونواله هیره کړې وې، دا چې د وطن پالې ماشومې جلکۍ ملالې په وړاندې د ظالمو ورپکو کړنې او له وحشت ډک بریدونه د بی غیرتي او له پښتونوالي څخه لرې د بیغیرتي خبر ده، زه د یوه  دود پال پښتون لیکوال په ټوګه د ګرانې ماشومې خورکۍ ملالې په وړاندې د دغه وحشی طالب د برید غندنه کوم او د ګرانې زړورې ماشومې ملالۍ لپاره د لوی خدای(ج) له دربار څخه د روغ صحت هیله کوم او د هغې میړانې او غیرت او صداقت او پښتونولۍ او وطنپالنې ته د احترام سر ټیټوم او د سوات د سیمې له چارواکو څخه هیله کوم چې د هغه ښونځي نوم دې کوم چې ملاله په کې تعلیم کوي د ملالې یوسف زۍ په نامه ؤنومول شي او دا خبره هم شایي هیره نکړو چې  د وحشي اورپکو له خوا د څورلس کلنې ماشومې جلکۍ ملالې باندې د سیکولاریزم تور لګیدلای دی ، حال دا چې دغه د لږ عمر جلکۍ د سیکولار په مانا نه پوهییږي نو څرنګه به د سکولار د ایدیالوږۍ پلوي وکړي ـ له بده مرغه د نا پوهۍ له کبله  د پاکستان او افغانستان عوام خلک او حتی د دغو سیمو ځنې د سواد خاوندان د سیکولار په مانا نه پوهیږي اود سیکولار ایدیالوژي د بې دیني په نامه په غلطه توګه ترجمه کوي، حال دا چې د  لمړي زل لپاره د سکولار تر سرخط لاندې مبارزه په اروپا کې د کلیسا د مطق العناني او د کلیسا د پادریانو د ظالمانه چاچلند په وړاندې د پروتستانو له خوا پیل شوه او اصلاحي بڼه یې لرله او د دین د محوه کیدو لپاره مبارزه نه ده او مبارزه نه وه ـ خو د افغانستان او پاکستان عوامو خلکو د سکولار نوم آوریدلای دي خو په مانایې نه پوهیږي او د نا پوهۍ له کبله په غلط توګه  د سیکولار فلسفه د بې دیني په نامه ترجمه کوي ـ زه د افغانستان او پاکستان په نا لوستو عوامو خلکو غږ کوم او هغوی ته وایم : له هرڅه د مخه د سیکولار په مانا ځانونه پوی کړئ اوبیا په خوارو خلکو د بې دینۍ تور ولګوئ ـ دا ؤ زما نظر ـ د خدای ښه دې وي ـ

 

  دلته توره ترږمۍ ده

دلته لمر او رڼا نشته

دلته مینه وژل شوې

دلته زړو کې صفا نشته

دلته ووینې بهیدلي

دلته کور په کور ژړا ده

دلته غم د پاسه غم دی

دلته جوړه کربلا ده

دا دا! دلته ژوندون ګران دی

هره خوا جګړې خورې دۍ

د سوات کلي سوځیدلي

د اورونو سرې لمبې دي

دا دا! واوره زما چیغې

آسمان ټول په وینو رنګ دي

ځمکه ډوبه ده تیارو کې

د ملالې زړګی تنګ دی

خدای لپاره دا دا جانه!

ما یو بل ځای ګي ته بوزه

چې رڼا او پلوشې وي

او د لمر شغلې تودې وي

نه آسمان د غم آسمان وي

نه د اوښکو تور باران وی

نه سلګۍ وي، نه اهونه

نه د ماتو زړو دردونه

نه تور رنګ اونه سپین رنګ وي

نه د تورو سپینو جنګ وي

نه چنګیز او نه خونریز وی

نه مغل او نه اورنګ وي

نه ځان مرګي طالبان وي

نه بی علمه ملایان وي

نه وهل ، نه ټکول وي

نه د ماتو زخمې زړونو

ماتول، نه ځورول وي

نه زندان، تورې تمبې وي

نه د تورو شپو کیسې وي

نه د ظلم حاکمان وي

نه زنځیر او  زولنې وي

نه سر دار او نه بادار وي

نه د تور ملا په خوښه

د منصور مړی په دار وي

راته ګرانه دادا جانه!

صوات په وینو کې لمبیږي

ما یو بل ځای ګي ته بوزه

چې ودان د مینې کور وي

پخلاینه وي، پښتو وي

درناوي د ؤلسو وي

نه آواز وي د بمونو

نه لمبې د راکټونو

لوږه نه وي، جګړه نه وي

ښکلی نظم د قانون وی

شخړه نه وي، ژوبله نه وی

د وګړو پیوستون وي

راته ګرانه!دا دا جانه

فرشتې د الله وژني

د وګړو قاتلان دي

پوهه نشته په هغوی کې

ځان وژونکي غداران دي

د ملالې چیغې واوره

ما یو بل وطن ته بوزه

چې رڼا وي، پلوشې وي

او د لمر شغلې تودې وي

 

       په مینه او ادب ـ عنایت الله پویان

  

 

 

رفقا، دوستان عزیزتارنمای وطندار !  لطفاً نظرات، پیشنهادات، انتقادات، مقاله ها، نوشته ها، مضامین و مطالب علمی و تحلیلی خود را جهتِ نشر به ادرس پوست الکترونیکی سایت بفرستید