WELCOME

To Our Website

Lorem ipsum dolor sit amet, consectetur adipiscing elit. Sed non metus

 گزیده های مقالات فرهنگی فلسفی

 

   جنبش قه ییرگه باره دی؟              عزت الله ذکی دهقان اوغلی

عزت الله ذکی دهقان اوغلی

عزیز اوقوچی لر اوشنده ی که بیله سیز لر جنبش پارتی سی اوغانستان سیاستیده اهمیت گه ایگه بولگن ایشلر بیلن اوچره شگن. قیسقه چه آیتسم اوغانستان سیاستیده اوزگرتیروچی فعالیت لرده بولگن. هر قنچه کیم او پیت لرده رسمی کیملیککه ایگه بولمه سه هم 1989 ییلیده اوریس لرنی ییقیلیشیگه و اسلامی دولت نی قوریلیشیده اساس رول اوینگن بیر پارتی. اوندن کیین ایچکی اوریش لر دوره سیده هم بارلیگی نی کورساتگن، حتی اوز ایرک منقطه گه ایگه بولیب، پول چیقارگن و ایریمچه دولت تمانیدن مخاطب آلینگن بیر پارتی بولیب 11 سپتمبر سونگره سی طالب لرگه  امان سیز قارشی قویگن بیر پارتی ایدی.

براق کوب تاسف بیلن آیتیشیم کیرک که 2001  سونگره سی انچه هم بشره آلمه دی. کوب قیین چی لیک لر بیلن قارشی قارشیگه قالدی. مرکزی حکومت هم خوددی شونده ی بولیش نی خواهلر ایدی.حتی جنبش پارتی سی نی اورته دن کوتاریلیشی گه قول اوزاتدی لر. رهبری حقیده بیر سوری پروپاگنده لر باشلاتدی لر. آنه یورتیدن بدرغه قیلدی لر. جنبش پارتی سی جان فدا انسان لری نی جنبش دن آییردی لر. اولرنی بیر خیلی نی پول بیلن بیر خیلی نی کوچ بیلن اوزلریدن قیلدیلر و جنبش دن آییردی لر. بیر خیلی نی آره لریگه کیریب ناراض قیلدی لر. باش قویمه گن انسان لرنی ایسه تورلی بهانه لر بیلن یوق ایتدی لر.

جنبش بیلن اتفاق قورگن لر حق بیریش اوزاق تورسین حتی جان بلا سی بولدی لر. هلی حاضر جنبش نی جنبش بولیشیده پیلری بولگن اولوغ ذات لر ناراض شکلده اوزاقده لر. بو خیل جنبشی لر هلی هم جنبش نی یخشی کوره دی لر، حاضرهم هیچ بیر تمانگه کیتمه گنلر...

قه ییر ده شاشدیک؟

هیچ بیر ییرده شاشمه دیک. باالعکس انسان لرگه ایشاندیک. باشقه لرنی هم اوزیمیز دیک کیینگ دل بیلدیک و  وفاسیز چیقدی لر. ایکینچی سبب ایسه  ایلک اون ییلکی دیک موفق بولمه یشیمیزنی سببی زمان گه ایاق اویدیره آلمه دیک. عسکری جهت ده کی فعالیتیمیز نی سیاست میدانیده کورسه ته آلمه دیک. اینگ توغری سی بعضی کمچی لیک لریمیز سببی بیلن  باشقه لرگه کوره بیز میدان ده اوینه یه آلمه دیک.

نیمه قیلیشیمیز کیرک؟

بیرینچی دن جنبش نی قوریلیش آشه مه سیده کی بیرلیک روحیگه احتیاجی میز بار.

ایکینچی دن جنبش پارتی سی نی بیر اوغانستان پارتی سی و بیر ملی پارتی بولیشی نی عقلیمیزدن  چیقرمه یشیمیز لازم.

اوچینچی اولاراق جنبش پارتی سی ملی، اسلامی بیر پارتی بولیشی نی بیلیب دیموکراتیک و ریفورمیک یوللرگه آچیق بولیشی گه مجبور ومکلف دور.

عزت الله ذکی دهقان اوغلی  

     

رفقا، دوستان عزیزتارنمای وطندار !  لطفاً نظرات، پیشنهادات، انتقادات، مقاله ها، نوشته ها، مضامین و مطالب علمی و تحلیلی خود را جهتِ نشر به ادرس پوست الکترونیکی سایت بفرستید