2011/06/20

کۉنگیل یره سی(بیرینچی بولیم)    شریف الله شریفی

بشریت نینگ نجاتیگه وسیله بۉلگن، تۉغری یۉلنی کۉرساتگن، قیامتگچه دوام اېته یاتگن مقدس اسلام دینی نینگ کېلیشیدن 1431 ییلگه یاووق بیرزمان اۉتماقده. حضرت محمد (ص)، تۉرت خلیفه دوری و اوندن کېین قوریلگن اسلام أمپراتورلیک (دولت) لری، اسلام دنیاسی و مسلمانلرنینگ یوکسلیشی نی ساغله دی. بېراق اسلام مدنیتی، اۉز دوره سیدەگی مدنیت لرنینگ اېنگ کوچلی سی اېدی. اوشبو مدنیت قوریلیشیدن چاغیمیزگچه، یاولری تمانیدن (صلیبی لر، مغللر و انگلیس اشغالچی لیگی کبی) اۉته کۉپ قتّیق و اېنگ بویوک هجوم لرگه معروض قالیب، قتّیق ضربه لر یېب، تارومار بۉلگن. فقط یینه هم اسلامیت نینگ انسانلرگه بېرگن معنوی کوچ وقوّتی، مسلمانلرنینگ غیرت وجدیتی بیلن بواشغالچی کوچلرگه قرشی مجادله بېریلیب کامیابلیگنی قۉلگه کېلتیرگنلر. اما سۉنگ ییللردەگی انگلیس و امریکا اشغالچی لیگیگه قرشی اسلام دنیاسی مغلوب قالماقده. اولرنی تولید قیلگن سلاحلری و یېتیشتیرگن نشانچیلری نینگ هدف تخته سی حالیگه توشماقده. باشقه بیر تماندن اېسه مسلمان -خصوصاً یاش- لر تکنولوجی قرشیسیده، هم اسلام کلتورینی وهم اۉزکیملیگینی یوقاتماقده. بوکون اسلام دنیاسیگه قره گنیمیزده؛ سیاسی، علمی، اقتصادی... و بولرگه اۉخشه گن اۉته کۉپ قیینچیلیکلر بیلن یوزیوزگه بۉلیب، یېردن ایاغی کۉکدن قۉلی اوزیلگن دېک چاره سیز قالگنلر. نه توزیک بیر لیدر بار ونه بیر سیستم! رشوت، واسطه، عدالتسیزلیک... کبی اسلام نینگ مَنهیاتلری حددن تشقری.

کُفر اوستیده قوریلگن بیر دولت نینگ ایاقده قالیشی مُحتمل، فقط ظلم وعدالتسیزلیک بیلن اداره قیلینەدیگن بیردولت ویا بیرلیک نینگ ییقیلیشیگه و پارچه لنیشیگه اونچه شاشمه ماق لازم. اگر بو دولت، بیر -ده بیلگی سیزلیک بیلن اداره إېتیلگنده او تمانینی سیز توشونیب تورینگ!

اسلام دینی، ایشلنگن بیر گناه گه جزا بېرمسدن آلدین، اونینگ سببیگه غَورقیلماقده. انسانلرنی او گناه گه آلیب باره یاتگن یۉلنی قیسقچگه آلماقنی توصیه اېتماقده. اۉغیرلیککه بېریله یاتگن جزادن آلدین، اۉغیرلیکنی بیرینچی سببی بۉلگن فقیرلیکنی آزەلتیش اوچون غیرت کۉرساتیشیمیز منطقلی اېمس می؟

اسلام دینی اقتصاد بیلن علاقه لی اورته یولنی ایزلەب، بایلیک وفقیرلیک توغریسیده بعضی اساسات لرنی بیلدیرگن. فقط فقیرلیکنی هم توصیه ایتمه گن. بونی بیز قرآن کریم ده اۉتگن آیتلرده ضمناً کۉریشیمیز ممکن. مثلاً قرآن کریم ده "نماز اۉقینلر، زکات بېرینگلر" آیتی قیتیب، قیتیب اۉتماقده. (بقره سوره سی 43). و "نماز اۉقینگلر" آیتی نینگ درحال آرتیدن "زکات بېرینگلر" افاده سی آلدین کېین کۉریله دی. قرآن کریم نینگ مخاطبی ألبته کی مؤمنلردیر. زکاتنی بېره دیگن اېسه، قرآن شریف گه ایمان کېلتیرمەگنلر، فقیرلراېمس؛ ایمان کېلتیرگنلر وبای (غنی) لردیر. بو مبارک آیت گه یخشی دقت قیلینگنده، -ضمناً هم بۉلسه- مسلمانلرنینگ بای بۉلیشی یخشی کۉریلگن. پس فقیرلیککه قرشی، حلال یۉل بیلن قندەی مجادله قیلیشنی توشینیشیمیز و یېچیم یۉلی آختریشیمیز گنده می؟

قرآن کریم ده دنیوی ایشلر بیلن علاقه لیک هرقنچه که -آچیق- بیلگی بۉلمسه هم، بعضی قاعده لر بېریلگن. ویا بعضی حادثه لرگه اشارت قیلینگن. مثال: دولت پرنسیب لری بیلن علاقه لیک قرآن کریم ده؛ هرایش نینگ اۉز اهلیگه بېریلیشی، مشوره، سۉزگه توریش کبی روشلرگه اشارت قیلینگن.  بلقیس حکایه سی بولردن بیرته سی. شوندەی که بلقیس نینگ وزیرلری، حضرت سلیمان (ع) نینگ دعوتیگه قرشی سواشماغنی توشونگنلریده؛ بلقیس شوندەی دېب اولرگه قناعت بېره دی: "عسکر کیرگن یېرده حضور، امنیت، رفاه... بۉلمس. شرف-حیثیت، آبرو-عزت دېگن نرسه قالمەیدی. او اولکه نینگ عارو ناموسیگه، احترام صاحبی وشرفلی کیشیلریگه حقارت بۉله دی خلاصه او یېر ییقیله دی، بوزیله دی." اگر بوکون مسلمان (رهبر) لر واقعاً قرآن کریم نینگ محتوالرینی تۉغری شکلده بیلگن کیشیلر بۉلسە اېدی، مسلمالرنینگ حالی بوگونکی دېک بۉلمسدی. موفق لیدر ویا رهبر؛ - بلقیس دېک- ملّتینی، اولکه سینی، اوروشدن قۉریەآلگن کیمسه دیر. چونکه اوروش ماهیتی اعتباری بیلن گنده وبوزووچی دیر. اما شونی هم بیلیش کېرەک که، تاقه بیر لیدر ویا رهبر- هرقنچه عادل بۉلسه هم- اوزباشیگه همه ایشنی بجرەآلمەیدی. یانیده اوشندەی بیراولوس نینگ هم بۉلیشی کېرەک.

دولت، انسانلرنینگ اراده سی بیلن یوروتیله دیگن بیر نوع اجتماعی مؤسسه دیر. بونگه، اودولتده یشه یدیگن هرفردنینگ طبیعی حقی باردیر. فقط مسلمان لیدر (رهبر) لر بونی قبوللش گه زۉرلیک چېکه دی. فرعون دېک بیر "أناربکم الاعلی (مین سیزلرنی اینگ کتّه تینگری لرینگیزمن)" دېیشلری قالگن. ملت نینگ ایسته گی اهمیتسیز. مثال: حسن مبارک مصرده 30 ییل، معمر قدافی لیبیاده 42 ییل... اقتدارگه قالدی. لیبیا خلقی نینگ جانی بورنینی اوچیگه کېلیب، "عدالت ایستەیمیز!" دېب قیام قیلگنده، تۉپلی اۉلدیریش (قتل عام) گه باشله دی. یوزلرچه، مینگلرچه او وطن نینگ اولادی شهید اېتیلدی. بوگون عینی تۉپلی اۉلدیریشنی سوریه ده کۉره میز. بومودورعدالت؟ بومودوراسلامیت؟

باشیمیزدەکی لر بوندەی بۉلگندن کېین، اسلام ومسلمان دشمنلریدن نیمه کوته میزکی؟ برچه میزگه معلوم که 28 دسامبر2008 -19جنوری2009 گچه اسرائیل نینگ، فلسطین گه قیلگن وحشی حمله سی نتیجه سیده (1300) کیشی شهید و (6000) کیشی دن کۉپراق یره لنگنده، سېسیمیزنی چیقارتەآلدیک می؟ مسلمان نینگ پېشانه سیگه تروریست تاپه سی اوریلگن! اېمدی پرواسیزلیک اویقوسیدن اۉیغانیب، عقلیمیزنی باشیمیزگه آلیش پیتی اېمس می؟

ادامه سی بار!

  

شریف الله "شریفی"

 

 گزیده های مقالات  سیاسی شریف الله "شریفی"    کلیک نماید

 
 

admin@vatandar.at

 
 مدیر مسوول : انجنیر هما یوسفی
صاحب امتیاز : انجنیرنجیب یوسفی
کليه ی حقوق بر اساس قوانين کپی رايت  محفوظ و متعلق به وطندار می باشد