2014/11/18

د افغانستان خلک نن کوم شي ته ډیر ضرورت لری

نوېې کابینی ته ؟ که امنیت او اقتصادی ودې ته ؟

دانسان له پاره ژوند مهم دی که د ژوند چاپیریال او د ژوند کولو شیان او ضروریات ؟؟

اصلی سوال دادی چې ژوند ډیر مهم دی ، او که یوه مر غۍ مدنظر ونیسو چې هغه ټوله ورځ خاشې ، ګیاوې ، د بوټو او ونو نازکې څانګې په خپلو پښو او ماښوکه غوڅوي او بیا ېې د یوې ځالې دجوړیدو په خاطر وړیی او دیوی میاشتی په موده کې دغه ځاله جوړوی او بیا ورته ډیر نازک واښه او نرم شیان پیدا کوی تر څو هلته د هګیو د اچولو له پاره او بل اخره دیوه مناسب او محفوظ محیط شرایط اماده کړی او دلته په هګیو اچولو شروع کوي او په شپو شپو ورباندې کینی او تر هغو وخته چې د هګیو نه ېې بچیان نه وی را وتلی دلته د بچیانو نه حراست کوي او دواړه مرغان د بچیانو ساتنه د ددشمنانو نه چې هغهکه باشه وی تپوسان وی مار وی یا بل کوم ظالم الوتونکۍ وي دوی خپل نوبت مراعاتوی او خپل بچیان تر پرواز یا الوتلو پورې بدرګه کوی ، یعنی ژوند ورته تر هر څه نه مهم دی ، بیا خوراکی شیان که لږ وی یا ډیر حتما پیدا کیژي او طبیعت ډیر غنی دی او د انسان حیوان پرندګانو او خزندګانو له پاره په کافی اندازه غذایی مواد شته دی ، اوس هم زه دغه درۍ شیان چې عبارت دي له ( امنیت کابینی او اقتصاد څخه ) په دی تاسې ته لیکم چې کوم یو مهم دی او ولې زموږ خلک هره ورځ د کابینی زر اعلانول غواړي ؟؟؟

دلیل ېې دا دی چې بیچاره مسکینانو ، خوارانو ، بیځایه شویو ، بیکاره ،مریض داره ، دشمن داره ، محاجرو افغانانو چې ناموس ې د کالونو کالونورنځونو ، کړاوونو ، لوږو ، بیداد ، دزورواکانو له خوانه هرډول تجاوزورباندې کیژی او بې ستره شوي او د بخور او نمیر ژوند ته ادامه ورکوي تر هر څه نه د مخه خلک ژوند او ژوندي پاتیکیدل غواړي او انتظار باسي چې خدایه داسې څه پیښ کړې چې دنوي دولت کابینه د پخوانیو غلو لاس ته بیرته و ور نه شي ، او نوۍ حکومت د نوېې کابینې سره چې هر افغان ېې د نامه په اوریدو وویاړي ، نه دا چې بیرته وواي بیرته د کرزي د حکومت درامه تکرار شوه او دغه کار د اساسی قانو د مندرجاتو په اساس د ریس جمهور په اختیار کی دی ، مخصوصا د وسله وال پوځ دري وزیران باید مسلکی چې ( حربي شونځۍ حربي پوهنتون کورس عالی افسرانو اکادمی په خارج کی ارکان حربي په خارج کی ماستری دکتورا ولري ( کسان باید بیدون له تعصبه و ټاکل شي .

زما په نظر دري واړه لازم او ملزو دیوه او بل دی ، ځکه کابینه که ( کارا متخصصه تحصیل کرده با تجربه پاکه یعنی د غړیو لاسونه د خلکو په وینو او رشوت او د شخصی او دولتی جایدادواو مځکې په غصبولو ) ککړ وو نتیجه ېې د ۱۳ کالو د حامد کرزي د کابینی نتیجه کیژی او دغه کابینه اولا د ( دبن ) دخاینانه کنفرانس نتیجه وه ، بیا د مصلحتو ، تنظیمو ، سمتو ،ژبو ، مذاهبو ، قومونو ، او قدرتمندانو او زورمندانو په تقسیمات او غوشتنو په اساس تهداب ګذاری شوه چې ډیر شوم ، ناولۍ ، خراب ، خاینانه ،تفرقه اچونکۍ ، او تجزیه غوشتونکۍ بوی تر ننه ورنه پورته کیژي، ځکه ددغو کابینې غړیو ځانونه ملیونران او ملیاردران کړل ځانونه ېې په ولایاتوکی غاصبان او قلدران او یاغیان او باغیان کړل ځانونه ېې د بلند منزله او مارکیټو او شهرکو او قصرو خاوندان کړل ، او نن د نوی حکومت په وړاندی ډول ډول توطېې کوي او اخطارونه صادروی او حاضر نه دې د خپل پوست او مقامه لری شي ، ددې خاینانه کابینی اصلی عاملین او تعینونکی غربی لوی سرمایه داری ( نیوکلونیالستی ) هیوادونه وو او دي ، او بل طرف ته ېې حمایه کونکی او محرکه قوتونه زموږ همسایه هیوادونه مخصوصا ( ایران پاکستان او عربان دي ) ،همدا وجه وه چې د افغانستان سیاسیونو او غرب بل اخره تصمیم ونیووچې د افغانستان له پاره یو داسې ریس جمهور په کار دی چې اولا دی (( ډیرتحصیل کرده متخصص پاک حساب ده وطندوسته همدیګر پذیره او په ځان متکی افغان وی چې هغه د انتخاباتو په ګټلو سره اشرف غنی احمد زۍ د خلکو په رایو انتخاب شوو )) اوس باید بیرته لکه څنګه چې د یالکتیک حکم کوی باید زوړ یا زاړه خپل ځایونه، نویو ، تحصیل یافته متخصصو ـ پاکو افغانانو ته چې د خلکو په اداره ، منجمنټ ، حکومت دارۍ ، بازسازۍ ،نوسازۍ ، امنیت را وستلو ، اقتصادی پیاوړتیا ، د بیکارۍ په له منځه وړلو کې مهارت ولري او پوهیژي د نوې حکومت یعنی د ( اشرف غنی او عبدالله عبدالله) له خوانه پارلمان ته بیدون له دی نه چې ده ته د (( یوه ښه مجاهد ، یعنی یوه ښه قاتل ، یوه ښه غله ، یوه ښه غاصب - یوه ښه زورواک ،یوه ښه تفنګ سالار ، یوه ښه تښتونکۍ ، یوه ښه بد اخلاقه )) په رویت یا القابو ، وزارت ، معینیت ، ریاست ، ولایت ، ولسوالی ، قوماندانی ، سفارت ، ور نه کړل شي بلکه هر هغه څوک چې خاین وی ، غل وی ، رشوت خوروی ،چپاولګر وي ، غاصب وی ، زورمند وی ، تفنګ سالار وی ، همدیګر پذیر نه وی ،قوم پرست وی ، زبان پرست وی ، د ایران او پاکستان نوکر او اجنت وی ، دخلکو خوښ نه وي او خلک ورنه بیزار وی هیڅکله او په هیڅ ډول دیوه مشر یا یوه سفارت یا یوه هیواد په دیکټاټ و نه ګمارل شي بلکه ور سره محاسبه وشي چې دادومره سرمایه د له کومه شوه ؟؟؟؟ ضرورباید دغه کار وشي (( موږ د افغانستان خلک په ډیره حوصله او ډیر دقت د دواړو مشرانو انتخاب ته سترګې په لاره یو )) موږ د تاسې دواړو ( اشرف غنی او عبدالله عبدالله د کمپاینو خبرو او تبلیغاتو ته ) ډیر اهمیت ورکوو ، موږ ته مهمه نه ده چې که دری یا پنځه وزیران هزاره ګان وټاکل شي یا ۶ وزیران تاجکان وټاکل شي ، یا ۱۰وزیران پشتانه و ټاکل شي ؟؟ بلکه موږ ته مهمه داده چې د هر ولایت برخه معلومه وی او دهر ملیت افراد ورپکې وي او فقط تحصیل تخصص او پاکي او وطن پرستی مخصوصا د (پاکستان ایران عربانو ) نوکر او اجنت نه وي ، که دغه نورمونه او اصول په تقرر او تعیناتو کی رعایت شول معلومداره خبره دی چې ( امنیت او اقتصاد اتومات ) په ښه کابینه او ښه مدیرت کولو او ښو محاسبوی کارکنانو د افغانستان روښانه را تلونکې تضمینولای شي او بل اخره افغانستان دیوه نوی سیاسی سیستم په لوری چې معینه ستراتیژی او معین نظامی دکتورین به د داخلی او خارجی سیاست په برخه کې ور په نصیب شي ځکه نقش د شخصیت په تاریخ کی همیشه خپل رول لوبولۍ دی .

 

نویسنده : پوهندوی دکتور طاوس وردک، لندن

 

به بقیه گزیده های مقالات فرهنگی فلسفی و سیاسی دکتورطا وس وردک کلیک نماید

 
 

admin@vatandar.at

 
 مدیر مسوول : انجنیر هما یوسفی
صاحب امتیاز : انجنیرنجیب یوسفی
کليه ی حقوق بر اساس قوانين کپی رايت  محفوظ و متعلق به وطندار می باشد