WELCOME

To Our Website

Lorem ipsum dolor sit amet, consectetur adipiscing elit. Sed non metus

  گزیده های مقالات  انجنیرعبدالقادرمسعود

 

      داولس میړنی -   گاونډیه                                                                کبیرستوری

   

څو گیلې درته کومه ، زما گرانه گاونډیه

د خالي میدان اتله ، پهلوانه ، گاونډیه

چې زما کوډله سوزي ، ته غوړي ورباندې شیندې

ورورولي خو داسې نه وي ، مسلمانه گاونډیه

ما په تیږو باندې ولې ، بیا لاسونه شاته نیسې

د فتنې میدان دې وړی ، له شیطانه ، گاونډیه

د تاریخ کوڅې مې پل کړې ، خوستا نښه پکې نه وه

ته له کومه راپیدا شوې ، بې نښانه گاونډیه

دا زما د وینو څاڅکي ، ستا د باغ رنگین گلان شول

بېخ دې شین شه،څه شی غواړې،نور له مانه گاونډیه ؟

زه غمجن شومه، ته ښاد شوې، زه برباد شوم، ته آباد شوې

په پنځو کسو کې یاد شوې ، قهرمانه گاونډیه

کلمه دې مانه زده کړه ،  اوس یې ته اجاره دار شوې

زه ناپاک شومه ، ته پاک شوې مهربانه گاونډیه

کله تور شې ، کله سپین شې ، کله شین کله رنگین شې

د رنگونو په بازار کې ، سرگردانه گاونډیه

سپین میلو درباندې سپور دی ، نڅوي دې ، گډوي دې

تور ښامار دې سر ایستلی ،  له گرېوانه گاونډیه ...

شاعر : صدیق کاوون توفاني

ترتیب کوونکی  :  انجنیرعبدالقادرمسعود

د  پردو  چې څوك   تقليد كوي، پردى  شي

چې د خپلو كړي  پالنه  مېړنى شي

مېړنى  د  اولس  نه   مري   تل  ژوندى   وي

كه  هر څو د  ځمكې  لاندې  ئې  كورګى  شي

معنوي  پانګه  چې  څوك  خپل  قام  ته  پرېږدي

د قامي  ذهن  نه  كله  بيا  وتى  شي

په  تاريخ   كې  د غيرت  به  ئې  نوم  يادوي

چې  د قام  او د وطن  نه  څوك  لوګى  شي

چې  د پت،  ښېګړې، تورې،  وفا  جوړ وي

هغه  (ستوری )  په  اسمان  كې  ځلېدى  شي

ترتیب کوونکی  :  انجنیرعبدالقادرمسعود 

 

رفقا، دوستان عزیزتارنمای وطندار !  لطفاً نظرات، پیشنهادات، انتقادات، مقاله ها، نوشته ها، مضامین و مطالب علمی و تحلیلی خود را جهتِ نشر به ادرس پوست الکترونیکی سایت بفرستید