WELCOME

To Our Website

Lorem ipsum dolor sit amet, consectetur adipiscing elit. Sed non metus

  گزیده های مقالات  انجنیرعبدالقادرمسعود

 

        غزل                                                                 عبدالحمیدماشوخیل

  

 

هسې تللی یم په فکر د جانان ډوب

لکه  کاڼی په  تلي  کښې د عمان  ډوب

ځکه ما څخه ارام او قرار ورک  شو

چې مې اوښکو کړ د  صبر خانمان  ډوب

نا خبره  یئ له حاله شفق  بولي

که  د  وینو په ژړلو کړم  اسمان  ډوب

په لباس  د ښکلو  مه  غولیږه  د ټګو

خلقات که  په  دا سحر  په  دا شان  ډوب

هسې   وژله که  د مهر په پرده  کښې

لکه خضر په چشمه شي  د حیوان  ډوب

هسې مالري مهجور په  وصالت  کښې

لکه تږی  د  یوه  ګوټ په  ارمان  ډوب

د  حیا  د بحر  در  یئ مونده  نه  شي

که  د صبر  جهانونه کړم  چندان ډوب

هغو  قبر  لره یوړه  بله  شمعه

چې  توبری  یئ په  زړه یوړو  د  هجران  ډوب

هیڅ  پروا  نه کا په غم  د  هر  ژړانده

که جهان کړم زه د  اوښکو  په طوفان  ډوب

د خپل  عشق  په پاکبازئ  شکر  وار یم

چې  مې  نه شو  خر په  خټه  دعصیان  ډوب

د بوسی  په سوال یئ  ښاد  د  وصل  داد  کړم

د ګوټ  تږی  شو  په  سیند  کښې  نا ګمان  ډوب

د حمید  د کاغذي  فکر  کشتئ

د حیرت  په عظیم  بحر کړهء  جهان  ډوب

 شاعر : عبدالحمیدماشوخیل

ترتیب کوونکی : انجنیرعبدالقادرمسعود

نازولی زوی نه  اخلي ادب

او د  سیوري  نخل  نه نیسي  رطب

ونیومه شه هغه زوی  په  خوا  پوری

چې  یئ نه  نیولی  درس  وي  نه  مکتب

 

رفقا، دوستان عزیزتارنمای وطندار !  لطفاً نظرات، پیشنهادات، انتقادات، مقاله ها، نوشته ها، مضامین و مطالب علمی و تحلیلی خود را جهتِ نشر به ادرس پوست الکترونیکی سایت بفرستید