WELCOME

To Our Website

Lorem ipsum dolor sit amet, consectetur adipiscing elit. Sed non metus

  گزیده های مقالات  انجنیرعبدالقادرمسعود

 

   غزل- افضل ټکور-د  ژوند  کاروان - نظیف تکل    ترتیب  کوونکی  :  انجنیرعبدالقادرمسعود

  

 

ستا  ښایست  زما  ځواني  ده  په  ما  ګرانه

دا  د  مینې  زنده ګي  ده  په  ما  ګرانه

یو  وطن  او  بل  دا  ستا  ملالې  سترګې

د  دواړو  اشنایي  ده  په  ما  ګرانه

یو  ګودر  بل  په  غرمه  کې  دیدنونه

ګله  هسې  خدایي  ده  په  ما  ګرانه

دا  منو  چې  وایي  وصل  بې  بها  وي

خو  و  الله  چې  جدایي  ده  په  ما  ګرانه

که  په  کور  وي  که  په  غره  که  په   صحرا وي

بس  د  ښکلو  پاچاهي  ده  په  ما  ګرانه

یو ټکور  او  نور  بلا  بلا  زخمونه

د  زخمونو  دوایي  ده  په  ما  ګرانه

 

د اوښکو  په  هر  څاڅکي  کې  خندا  راته   ځلیږي

په  دې  تورو  تیارو  کې  سپین  سبا  راته  ځلیږي

ژړا  کې  مې  خندا  شته  په  دې  ښه  یم  پوهیدلی

بیلتون  کې  د  وصال  هغه  لیلا  راته  ځلیږي

منم  چې  ستا  د  ښکلي  مخ  پتنګ  یم  لمبه  کیږم

په  دغو  سرو  لمبو  کې  ستا  وفا  را ته  ځلیږي

دا  اوښکې  توفاني  دي  رقیبان  به  دې  نابود  کړي

د  ژوند  په  هر قدم   مې  رڼا  راته   ځلیږي

جذبه  د  پاکې  مینې  به   مې   زړه  کې  کمه  نه  شي

په  هر  طرف  چې  ګورم  ستا  ښکلا  راته  ځلیږي

وطنه  ستا  په  ناوې  مې  زړګې  هسې  بایللی

په  دې  بایللي  زړه  کې  ښه  دنیا  راته  ځلیږي

له   خپلو  پلرو  کم  نه یم  فرنګه  په  دې  پوه  شه

خوشال  غوندې  مې  توره   کې  بریښنا  راته  ځلیږي

شاعر  :  نظیف تکل

ترتیب  کوونکی  :  انجنیرعبدالقادرمسعود

رفقا، دوستان عزیزتارنمای وطندار !  لطفاً نظرات، پیشنهادات، انتقادات، مقاله ها، نوشته ها، مضامین و مطالب علمی و تحلیلی خود را جهتِ نشر به ادرس پوست الکترونیکی سایت بفرستید